Steinunn Ólína, sem jós óhróðri yfir starfsfólk ÚTL, þarf sjálf á siðbót að halda! Og hverjir eru helztu þolendur fósturdeyðinga?

Hún biður ekki griða þeim ófæddu börnum sem hér er grandað án mis­kunn­ar, 1048 einstak­lingum í fyrra, og nú eru nýsam­þykkt ólög um að lengja heimild til flestra slíkra fósturvíga um 6-10 vikur og afnema öll skilyrði fyrir að­gerð­inni! Jafnvel fullformuð ófædd börn, eldri en fimm mánaða og með fullt sárs­aukaskyn, megi drepa, ekki bofs um það frá Stein­unni Ólínu, sem skáldar því hins vegar upp, að börn hælis­leitenda (sem eru EKKI flóttamenn frá stríðssvæðum) séu í lífshættu! 

Það verður ekki annað séð en að Steinunn Ólína sé gersamlega kaldlynd gagnvart afdrifum og þjáningum ófæddra barna -- eða hvar er samúð hennar?

Hverjir eru þolendurnir hér, eru það ekki þeir ófæddu?

Hugsum það reyndar aðeins lengra og dýpra:

Hverjir eru helztu þolendur fósturdeyðinga?

1. Hin ófæddu fyrst og fremst, sem láta hér líf sitt, jafnvel með kvalafullum hætti -- ekkert er skeytt um að binda svo um hnútana, að þeim verði með svæfingu eða deyfingu hlíft við skerandi sársauka við dauðdaga sinn (en sumar drápsaðferðirnar langdregnar) -- hvergi orð um þetta í ótrúlegu ríkisstjórnar-frumvarpi um fóstureyðingar allt til loka 22. viku meðgöngu!!

2. Feður, afar og ömmur ófædda barnsins eru einnig þolendur. Þeim er gefinn 0% réttur til að biðja griða barni sínu eða barnabarni, þótt bjóðist til að annast það og elska. Engin virðing fyrir föðurnum, ekki frekar en lífi barnsins!

3. Barnlaust fólk, sem bíður árum saman í löngum röðum eftir því að fá að ættleiða barn. Ragmennska alþingismanna á vorþingi birtist ekki aðeins í algerri uppgjöf mikils meirihluta þeirra gagnvart andkristnum frumvörpum herskárra femínista, hýperlíberala og siðlausra vinstri manna, þar sem vegið var að lífsrétti ófæddra barna og að barneignar­möguleikum fjölda ungra manna og kvenna í framtíðinni, heldur einnig í því, að þessir þingmenn skeyttu ekkert um eina jákvæða frumvarpið í þessum efnum, frumvarp Mið­flokksmanna um fæðingarstyrk (135.525 kr. á mánuði) í hálft ár til kvenna sem eru reiðubúnar til að gefa frá sér barn til ættleiðingar.

4. Mæðurnar sjálfar: Umtalsvert hlutfall þeirra verður fyrir líkamlegum eftirköstum (complica­tions) vegna fóstureyðingar og aðrar að auki fyrir sálrænum eftirköstum. Meðal þessara eftirkasta eru blæðingar, sköddun legháls, fósturlát og fyrirbura­fæðingar (þess vegna verða sumar konur að liggja fyrir vikum og mánuðum saman fyrir fæðingu) og ófrjósemi.

5. Samvizku lækna og hjúkrunarfólks má einnig kalla "þolanda" þessarar fósturdeyð­ingastefnu, sem gengur þvert gegn köllun heilbrigðis­stétta um að lækna og bjarga lífi, ekki deyða (eins og vitnað var um með læknaeiðnum) -- já, hlutverk þeirra er að þjóna lífinu, ekki dauðanum.