Vanþekking er hættuleg -- skeinuhætt saklausum!

Er það ekki blöskranlegt hve innilega fáfróður Logi Einarsson er um líf og mannseðli ófæddra?

"Fyrir 12. viku með­göngu er ekk­ert fóstur komið til skjal­anna [sic!]. Þá er um að ræða frumu­klasa [sic!] sem verður að fóstur­vísi, en er ekki orðinn að fóstri" !!! [1]

Þvílík öfugmæli! Sjá nánar um rök þess hér: 

Æpandi vanþekking formanns Samfylkingarinnar í fósturfræðum

En á vanþekkingu þessa formanns síns byggir Samfylkingin og þinglið hennar ábyrgðarlausa stefnu sína í málefnum ófæddra barna, sem afhjúpaðist með sorglegustum hættiá Alþingi í vor.

[1] Logi Einarsson í þingræðu á Alþingi 27. marz 2017 kl. 16:07 o.áfr. um "þungunarrof" [sic!] og kynfrelsi kvenna.

Athugasemdir

[Predikarinn - Cacoethes scribendi , 10.8.2019 kl. 19:04]

Mæl þú manna heilastur kæri Jón Valur.

Ljóst er að þeir sem hæst hafa galað, í takt við téðan formann einsmálslandssölufylkingar hinnar vinstri grænu slagsíðu, hafa aldrei kynnt sér fósturfræði/embryology. Vanþekking þeirra er þeim mun verri þar sem fræðibækur um þetta málefni fást í Bóksölu stúenta, nýjar sem notaðar, og þá er urmull af síðum á veraldarvefnum sem hafa þennan fróðleik að geyma til aflestrar þessum dauðadómsfylgjendum. Þannig hafa þessir enga afsökun fyrir vanþekkingu sinni. Þetta er svo sem alþekkt syndrome á kommentasíðum að fá svona afhjúpandi upphrópanir á fáfræði viðkomandi, og þá er fávísi þeirra eigi einungis bundin við fósturfræði, um er að ræða viðamikla vanþekkingu flestra þeirra sem hæst gala um endalaust mörg fræðin.

Skyldu þessir sömu vilja dauðarefsingar leiddar í lög? Þannig hefði mátt snara banksterana eftir alþjóðlega bankahrunið sem á rætur sínar að rekja til CLintons forseta eftir að hann þvingaði Freddie Mack og Fannie Mae til að veita nokkurn veginn óheft lán til þeirra sem eigi standast nokkra skoðun fjárhagslega. Sennilega prísa íslensku banksterarnir sig sæla að enginn (eða fáir) hrópuðu þá kröfu við hrunið. Þannig mætti taka til við hreinsanir á þeim sem amast er við, allt frá lánlausu neytendunum í ræsinu, búðarhnuplurum, ofbeldismönnum og upp í morðingja. Það myndi vafalaust enda með því að krafa yrði uppi um að við sem ekki hrópum í takt við téðan formann og möntrufylgjendur hans yrðum settir í gálgann.

Þetta möntrulið er með Gróu á Leiti og dómara göturæsisins sem aðalvitni sín. Megi þeir sjá ljósið og að þeir lesi sig til um hvert og eitt málefni áður en hrópað er með vanheilagri vandlætingu, þess bið ég algóðan Guð þeim til handa.