Bloggfærslur mánaðarins, september 2013

Kjörlausn ragra stjórnvalda

Athyglisverð breyting hefur átt sér stað í fósturvígsmálum. "Um það bil helmingur íslenskra kvenna, sem gangast undir fóstureyðingu, velur lyfjameðferð fram yfir aðgerð ... langflestar taka lyfin í heimahúsi, en þá þurfa þær að dvelja í nágrenni við Landspítalann og eru í símasambandi við kvennadeild á meðan á ferlinu stendur." (Mbl.is.).

Þetta má kalla "kjörlausn" fyrir hina rögu stefnu stjórnvalda hér um nær fjögurra áratuga skeið að leyfa fósturdeyðingar á fullu, jafnvel á rýmri hátt en lögin frá 1975 kváðu á um. Þannig hefur aldrei mátt anda á það, að þetta væri framkvæmt og borgað af ríkinu, gjarnan í nafni "kvenfrelsis til að ráða líkama sínum", þótt slík stefna sé ekki stefna laganna.

Konur frá vellríkum heimilum hafa þannig fengið ókeypis þessa "þjónustu", sem trúlega kostar ríkið ekki minna en 200 milljónir króna á ári hverju, en árangurinn sá einn á 38 árum, að á fjórða tug þúsunda ófæddra hafa verið svipt lífinu og gefið eftir fyrir enn frekari lausung í kynlífi, í stað þess að bann við fósturdeyðingum myndi hafa hér siðbætandi áhrif.

Halda mætti, að stjórnvöld allra flokka á Alþingi – nema Borgaraflokksins í tíð hans – telji þetta hagsmunum lands og þjóðar fyrir beztu! Og engin áhrif hefur það haft á stjórnvöld hér, að kristin trú fordæmir þetta, enda er sú trú kannski í minnstum metum höfð meðal tveggja olnbogafrekra stétta íslenzkra: fjölmiðlamanna og stjórnmálastéttarinnar.

Jafnvel á sama tíma og gríðarlegar þrengingar hafa átt sér stað í heilbrigðiskerfinu, með breytingum sem hafa lengt biðlista og jafnvel valdið varanlegu heilsutjóni, ásamt með þvílíkri vanrækslu lækningatækja, að það fær heilbrigðisstéttir til þess að blygðast sín, þá hefur fósturvígskvörnin fengið að murka lífið úr ófæddum börnum og fóstrum og það heldur í auknum mæli en hitt. Það eina, sem gert hefur verið til "bóta", er aðgerð eins og þessi að reyna að spara sjúkrarúm vegna lyfjameðferðar, sem flutt er í heimahús, en greinilega er talin áhætta í því fólgin – eins og vitað er meðal fagaðila – og þess vegna sagt einungis leyft ef viðkomandi konur eiga heima nálægt sjúkrahúsi.

Haft er eftir yfirlækni á kvennadeild, Kristínu Jónsdóttur, að "konur[séu] almennt sáttar við þá valkosti sem þeim bjóðast en sumum þyki kerfið heldur þungt í vöfum" (Mbl.is).

Um þetta er fjallað í ýtarlegri grein í Morgunblaðinu sjálfu í dag. Þar er ennfremur að finna þvílík ummæli, að það eitt verðskuldar nýja grein hér á þessu vefsetri og að tekið verði á því agabroti, sem þar kemur fram.

Jón Valur Jensson. 


mbl.is Flestar velja fóstureyðingu heima
Tilkynna um óviðeigandi tengingu við frétt

Um bloggið

Lífsréttur

Höfundur

Lífsréttur
Lífsréttur

Information service about life issues – upplýsingaþjónusta um lífsverndarmál lifsrettur@yahoo.com - sjá nánar á höfundarsíðu (an English summary too). +netfang/e-mail: jvjensson@gmail.com

Des. 2018
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Nýjustu myndir

  • ..._13_1299472
  • 1178324855adb16
  • IMG_0734
  • 11739650 10205367658365521 962682710 n
  • prolife7

Heimsóknir

Flettingar

  • Í dag (16.12.): 1
  • Sl. sólarhring: 6
  • Sl. viku: 103
  • Frá upphafi: 27496

Annað

  • Innlit í dag: 1
  • Innlit sl. viku: 73
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband