Vernd lífsins er enn á verkefnaskrá pólskra stjórnmálamanna

Að "þúsund­ir" Pólverja tóku á 2. degi þátt í mót­mæl­um gegn lagafrumvarpi um fóst­ur­deyðing­ar er lítið í 38 milljóna þjóð. Meintri "kúgun kirkjunnar" er raka- og gagnrýnislaust slegið upp í fyrirsögn Mbl.is um málið.

Stuðningur við núverandi stranga löggjöf er yfirgnæfandi, en þó er vitað, að meðal tæplega 2.000 tilfella fósturvíga árlega í Póllandi er sáralítill minnihluti vegna lífshættu móður. Víða, þar sem gert er ráð fyrir heimild til þessarar óhuggulegu aðgerðar vegna heilsu eða lífs móður, er tilhneigingin sú meðal ýmissa lækna og sjúkrastofnana að ganga lengra en lagabókstafurinn leyfir í raun. Herðing refsiákvæða í nýju frumvarpi helzt í hendur við þettra.

Vestrænir femínistar hafa engan skilning á gildi trúarinnar í hugum þess meirihluta Pólverja sem hafnar fósturdeyðingum undantekningalítið. En þar að auki hefur lengi verið breidd út þekking í fósturfræðum þar, meiri en hér meðal almennings.

Viðkomandi fylgjendur "kvenfrelsis" mættu hafa í huga, að annað hvert ófætt barn er meybarn!

 

•  Hvort skyldi vera sannara?!

  Unborn babies don´t vote. Welfare moms do.

   

    Family Research Council collects sonograms and newborn photos for its "I´m Pro-Life Because..." campaign.

PS. Geta ber þess, að þvert á móti því sem ætla mætti af nýbirtri grein hér (Trump með lífinu ...) er uppi mikil óánægja meðal lífsverndarsinna við viðhorf hans einmitt í þessu máli, sbr. þessa samantekt um afstöðu hans og Hillary Clinton, sem er þó miklu öfgafyllri í fylgispekt sinni við fósturvígsstefnuna. 

Mótmæla kúgun kirkjunnar

Trump með lífinu - and that counts!

Augljóst er öllum lífsverndar­sinnum, sem verja lífsrétt ófæddra barna, að Trump var þeirra maður í lokakappræðum forseta­frambjóðenda í Nevada í kvöld, en Clinton er fylgismaður "dauða­menningarinnar", enda hefur hún sýnt það í verki, rétt eins og Obama, með því að verja fósturdeyðingar allt fram undir fæðingu! Já, félegur frambjóðandi, sem margir Íslendingar munu þó styðja!

Skiptir þetta samt einhverju máli? Já, svo sannarlega! Með um 1.300.000 fósturvíg árlega er ljóst að með engri stjórnvaldsaðgerð einni væri unnt að bjarga jafnmörgum mannslífum eins og með takmörkun fósturdeyðinga. Ein helzta leið til þess væri breytt stefna Hæstaréttar Bandaríkjanna, og aðeins Trump er reiðubúinn til að skipa lífsverndarsinnaða dómara.

Þau voru spurð um sýn sína á Hæsta­rétt Banda­ríkj­anna, þar sem Cl­int­on sagði kosn­ing­arn­ar í raun snú­ast um „hvers kon­ar land við vilj­um vera“.

Þá ít­rekaði hún að rétt­indi sam­kyn­hneigðra og kvenna mætti ekki skerða á ný.

Trump sagði Hæsta­rétt vera það sem þetta snýst allt sam­an um. Lofaði hann að skipa dóm­ara sem væru and­snún­ir fóst­ur­eyðing­um sem myndu einnig verja rétt Banda­ríkja­manna til vopna­b­urðar.

„Ef þú ferð eft­ir því sem Hillary er að segja, þá get­urðu tekið barnið og rifið barnið út úr kviði móður­inn­ar, rétt fyr­ir fæðingu barns­ins,“ sagði Trump. (Mbl.is)

Hann lýsir þessu trúverðuglega, en þó ekki hálfum hryllingnum sem um er að ræða. En við þann hrylling eru Hillary Clinton og Obama fullkomlega sátt! 

Það verður fróðlegt að sjá viðbrögð Bandaríkjamanna við þessum parti kappræðnanna.

Mun Trump ekki una niðurstöðunni?

Ótrúleg skömm

er meðferð okkar á ófæddum Downs-heilkennis-börnum -- öll drepin!

Og það eru ekki bara læknarnir sem gera þetta: þeir fá foreldrana til þess með sér!

Glöggt er gests augað, hér sjáið þið brezka konu uppgötva þessa smán okkar: 

En mikið eru annars Íslendingar fullkomnir!!!

 

-4:21

 

 

Skoðað 444 sinnum

 

Learning Together bætti við nýju myndbandi: A World Without Down's Syndrome?Líka við síðu

6. október kl. 20:31 · 

Thought-provoking documentary from the mother of a child with Down’s Syndrome, BBC’s ‘A World Without Down’s Syndrome?’ Will put link to the full programme in comments but here’s a short excerpt of the programme filmed in Iceland.

Reynt með fagurgala að stuðla að fjölgun fósturdeyðinga í Póllandi

Innfjálg talar þingkona um "að ör­ugg­ar fóst­ur­eyðing­ar séu nauðsyn­leg­ur þátt­ur í rétti kvenna til and­legs og lík­am­legs sjálf­stæðis." Þar er meintum hagsmunum móður att gegn lífshagsmunum afkvæmis hennar. Í reynd hefur móðir engan rétt til að ráðstafa lífi nokkurs barna sinna, hvorki fæddra né ófæddra.

Nú hyggjast pólskir þingmenn ekki gera undantekningu frá banni við fósturdeyðingum í tilfelli sifja­spella. Ófætt barn náinna skyldmenna ber enga ábyrgð á líferni þeirra og ætti að njóta fullkominna griða.

Konur á Austurvelli í gær báru m.a. skilti þar sem talað var um bann við fósturdeyðingum sem "stríð gegn konum", en fæstar, ef nokkrar geta kallazt fórnarlömb ágengra aðgerða stjórnvalda. Hins vegar fór Móðir Teresa með rétt mál, þegar hún talaði um fósturdeyðingar sem "stríð" gegn hinum ófæddu; í því stríði er milljónum að ósekju fórnað í hverjum mánuði.

Í bréf­inu til pólskra þingmanna hvetur Ásta Guðrún Helga­dótt­ir, þingmaður Pírata, þá til að "standa vörð um sjálfs­ákvörðun­ar­rétt kvenna," en ekki verður meintur réttur einnar mannlegrar veru til að taka líf annarrar saklausrar með neinni sanngirni kallaður eðlilegur.

Þeir, sem eru ábyrgir fyrir getnaði barns, eiga að bera sína ábyrgð: að taka við barninu og veita því sína umhyggju. Kynlíf átti aldrei að verða einskær leikur til nautnar án ábyrgðar.

Það er ekki "sjálfs­ákvörðun­ar­réttur" að faðir löðrungi barn sitt, ekki fremur en það sé "sjálfs­ákvörðun­ar­réttur" móður að láta enda líf einhvers barna sinna, hvort heldur fyrir eða eftir fæðingu.

Og læknastéttin á að sinna lækningum, ekki að framfylgja ranglátum dauðadómi yfir blásaklausum.

„Þetta skiptir okkur miklu máli“

Nú reynir RÚV að blása til andstöðu við fósturverndarstefnu pólskra yfirvalda

Eftir aðför Fréttastofu RÚV að Sigmundi Davíð fundu Rúvarar sér nýtt mál að berjast fyrir: fósturdeyðingar í Póllandi, og láta sem mestu mótmæli sögunnar snúist um þær! - þekkja ekki Solidarnosc og baráttu þeirra alþýðusamtaka fyrir frelsi og réttindum verkalýðsstéttarinnar og pólsku þjóðarinnar gegn leppum Sovétríkjanna í kommúnistaflokki Póllands.

Um þetta mál var mikið og einhliða fjallað (enn einu sinni) í hádegisfréttum Rúv í dag og eftir þær í enn meiri mæli í þættinum Samfélagið. Hlutdrægni dagskrárkonunnar (Þórhildar Ólafsdóttur) í viðtali við tvær pólskar konur kom m.a. fram að í því, að hún býsnaðist yfir, að í Póllandi fengju konur ekki að "ráða yfir líkama sínum". En þetta er firra, því að líkami fóstursins er ekki líkami móðurinnar, enda er ófædda barnið með allt annað ónæmiskerfi, með aðra DNA-byggingu eða genasamsetningu, iðulega í öðrum blóðflokki og hefur vitaskuld sitt eigið hjarta, hendur, fætur og höfuð! Engin kona er stundum með tvö höfuð og aðra stundina með eitt!

Þar að auki ráða konur almennt sjálfar hvort þær verða þungaðar. Grátbroslegt var að heyra býsnazt yfir því, að getnaðarvarnir væru þeim of dýrar.

Nýlega var það fellt í pólska þinginu að leyfa fósturdeyðingar í stórum stíl, og er það vel.