Bloggfærslur mánaðarins, nóvember 2017

Af hverju fækkar tvíbura­fæðingum um 26% milli ára?

Undarleg virðist sú mikla fækkun þegar fæðingar standa nánast í stað milli ára, fækkar um innan við 1%. Hefur efnishyggja og "val" foreldra til fóst­ur­eyðinga (fóstur­víga fremur en "þungunar­rofs") og e.t.v. fjölgun keis­ara­skurða um 4% hér sín áhrif?

Eru til þeir foreldrar sem æ síðan geta minnzt þess, horfandi á barn sitt, að við hlið þess hefði átt að vera vinur þess tvíburinn? Verður það "bezt geymda leyndarmál" viðkomandi foreldra næstu áratugina og jafnframt það þung­bærasta í reynd?

Hvaða lífs- og sálar-raunir er verið að leggja á þungaðar konur og foreldra með ónáttúrlegu "valfrelsi" þeirra til fóstur­eyðinga? Fullan þátt í þessu "valfrelsi" og vali taka læknar á kvennadeild LSH sem eru a.m.k. sumir hverjir mjög hlynntir fjölgun fóstureyðinga hjá ungum konum. Og sú "ráðgjöf" þeirra hefur því miður sín áhrif.

Jón Valur Jensson.


mbl.is Fæðingum á landsvísu hefur fækkað
Tilkynna um óviðeigandi tengingu við frétt

Guðrún bölsótast, þykist til alls fær - veit ekki á gott

Hún greip til blótsyrða hún Guðrún Ög­munds­dóttir, þóttist geta allan and....ann! Kannski í bandalagi við mestu fóstur­vígs­samtök heims, sem Guðlaugur Þór Þórðarson dælir í millj­ónum (ekki sínum eigin, heldur okkar!). IPPF, International Planned Parenthood Federation eru vígaleg samtök, ekki síður en Guðrún, enda ástunda þau fósturvíg í massa­vís í Bandaríkjunum og þriðja heiminum. Frá þeim fær Guðrún sína herhvöt nú sem fyrr.

Já, vissulega eru skipt­ar skoðanir á því hvort þörf sé á nýju kvenna­fram­boði í dag til að koma fem­in­ísk­um sjón­ar­miðum á fram­færi og hvort þörf sé gam­alla Kvenna­lista­kvenna í þeim slag. Hafa þær ekki gert nógu margt illt af sér nú þegar? Hafa ekki hátt í 20.000 kyn­systur þeirra fengið að smakka á dauðanum vegna kröfugerðar herskárra rauðsokka upp úr 1970, sem leiddi til fóstureyðingalaganna 1975?

Er nokkuð rangt með farið hér í þessari upptalningu?

En Guðrún Ögmundsdóttir þykist til alls fær. Það veit ekki á gott. Henni og Sóleyju Bender (annarri í bandi með IPPF) tókst að vefja klaufann Óttar Proppé um fingur sér og seiða upp úr honum lofgjörðaróð á Alþingi um tillögur þeirra um að drepa mætti ófædd börn allt til fullrar fimm mánaða meðgöngu (22 vikna) að ósk, nei, kröfu mæðra þeirra! Og fleiri vitsmunalegir aular tóku undir, Logi Einarsson með ámáttlegustum hætti, en einnig menn eins og Jón Steindór Valdimarsson, sem aldrei hefði átt að komast á Alþingi, þótt hann teldi sig reifa þetta mál með þeim hætti sem gengi í kröfugerðarlýð.

Þetta er stríð -- stríð gegn hinum ófæddu í tugþúsunda tali hér á landi, eins og Íslendingum væri fátt ónytsamlegra en að eignast nóg af börnum. Þó erum við nú langt under replacement level. Ætli Guðrún atvinnufemínisti skilji það og afleiðingarnar? Eða kærir hún sig kollótta um framtíð þjóðar okkar og velferð barna okkar?

Jón Valur Jensson.


mbl.is „Við getum allan andskotann“
Tilkynna um óviðeigandi tengingu við frétt

Um bloggið

Lífsréttur

Höfundur

Lífsréttur
Lífsréttur

Information service about life issues – upplýsingaþjónusta um lífsverndarmál lifsrettur@yahoo.com - sjá nánar á höfundarsíðu (an English summary too). +netfang/e-mail: jvjensson@gmail.com

Des. 2018
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Nýjustu myndir

  • ..._13_1299472
  • 1178324855adb16
  • IMG_0734
  • 11739650 10205367658365521 962682710 n
  • prolife7

Heimsóknir

Flettingar

  • Í dag (13.12.): 3
  • Sl. sólarhring: 69
  • Sl. viku: 114
  • Frá upphafi: 27474

Annað

  • Innlit í dag: 3
  • Innlit sl. viku: 79
  • Gestir í dag: 3
  • IP-tölur í dag: 3

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband